Latsunbe eta Zikuñaga auzoko festak gaur hasiko dira eta igandera eguerdira arte luzatuko dira 48 orduz. Zikuñagatarrak ordu bete aurreratuko dira eta ozen azaldu dute «elkartzeko eta ospatzeko» garaia dela. Arratsaldeko 17:30etan emango zaie hasiera festei txupinazoarekin, eta suziria bota ostean, buruhaundiak aterako dira bizkarrak berotzera.
Jenny Perlazaren aerorrumbarekin jarraituko du egunak, eta holly festak sekulako kolorea emango dio auzoari, arratsaldeko 18:00ak aldera. Txokolate bero ederra dastatzeko aukera ere izango dute auzotarrek, musikak lekukoa hartu aurretik.
Latsunberi dagokionez, gaur botako dute txupina, Zikuñaga baino ordu bete beranduago, 18:30etan, eta gauera bitartean, ekintza mordoxkek hartuko dute protagonismoa; hala nola, ipuin kontaketak, aerorrumba saioa Jennyrekin, Sardina jatea eta musika Mikeltxirekin.
ZIKUÑAGA AUZOKO JAIAK
GAUR
17:30 Txupinazoa buruhaundiekin
18:00-19:00 Aerorumba + Holly party Jennyrekin
Jarraian, txokolotada
20:30-22:30 Matraka elektrontxaranga
23:30 Matraka DJ Track ibiltaria
23:30 Zezen Suzkoa
LATXUNBE AUZOKO JAIAK
GAUR
18:30 Jaien hasiera.
18:30 Ipuin kontalaria.
19:30 Aerorumba-saioa.
20:30 Sardina-jate herrikoia.
21:30 Mieltxinen emanaldia.