Hastear dira kirol ezberdinetako denboraldiak eta horietako bat da boleibolekoa. Gauzak horrela, 2025-2026 denboraldiaren nondik norakoak azaldu nahi ditu HKE Boleibol taldeak, eta bi bilera deitu ditu ostiral honetarako.
Aurrenekoan, 2010 eta 2013 urte artean jaiotako jokalarien gurasoekin bilduko dira. Arratsaldeko 17:00etan izango da hori, Biteri kultur etxean.
Eta ostiralean bertan, leku berean, arratsaldeko 18:30etan bilduko dira jubenil, junior eta senior mailetako jokalariekin edota gurasoekin. Lehen Hezkuntzako 5. eta 6. mailetan dauden jokalarien gurasoekin aurrerago egingo dute bilera, klubetik jakinarazi dutenez.