Urriaren 6tik 17ra ospatuko da aurten, Hernanin hain kuttuna den Bakailu Astea. Berriak elkarteak eraman ohi du ekimena aurrera, eta aurten ere lekukoa hartuko du, urteroko asmoarekin: «tokiko gastronomia oinarri hartuta, gure sukaldaritzan ikur den produktua protagonista bihurtuko dugu».
Eguna gerturatzen doanez, Berriak elkarteak dagoeneko bidali die informazio guztia parte hartzeko interesa duten establezimenduei, baina honakoa gogorarazi nahi dute: «oso garrantzitsua da dokumentazioa arretaz irakurtzea, parte-hartze baldintzak, data garrantzitsuak eta ekintzen xehetasunak bertan jasotzen direlako».
Beraz, Bakailu Astean parte hartu nahi duten ostalariek dagoeneko aukera dute izena emateko, 943 333 049 telefonora deituta, edo berria@hernanidendak.eus helbidera idatzita. Berriak elkarteak azaldu du izena eman nahi duen oro, abuztuaren 31 baino lehen jarri behar dela beraiekin harremanetan.