Abuztuko asteazken goizetan ere izango dute zertaz gozatua 65 urtez gorako hernaniarrek, erabat doan. Lehenengo saioan, abuztuaren 6an, Intocable filma ikusteko aukera izango dute, Biteri kultur etxean, 10:00etan hasita.
Hilaren 13an, ongizate fisikoa lantzeko ekintzak egiteko aukera izango dute Jarduera Fisiko eta Kirol sailarekin elkarlanean. Hitzordua Atsegindegin izango da, 10:00etan.
Hilaren 20an, mahai jokoetan ibiltzeko aukera izango da Karabelgo Belkara auzo elkartean. 10:00etan Atsegindegin elkartu eta denak elkarrekin Karabelera joatea da asmoa.
Azken asteazkenean, Chillida Leku museora irteera izango da. Plazak mugatuak direnez, irteera honetara joateko izena eman beharko da: abuztuaren 12tik 20ra, udaletxeko Adinekoen departamentuan (Biteri kultur etxean edo 943 57 54 31 telefonora deituta).