Giro jolasti eta umoretsuarekin hasi dira festak Hernaniko Kaxkoan, eta omenaldi goxoa egin diete Ricardo Ramos auzoko alkate berriari, Juan Bautista Biurrarenari, eta Cecilio Jauregui zenari, Koro Loyarte bere alargunaren eskutik. Hunkituta jaso dute aitortza hiruek, baina festarako gogoa ere erakutsi dute: Ricardo Ramosek 'En mi viejo San Juan' abestia kantatu du bakar-bakarrik, bere abesbatzakideen gonbiteari muzin egin gabe. Hortaz, modurik onenean hasi dira aurtengo Karmenak.