Hernaniko Hiribusak udako ordutegia izango du uztailean eta abuztuan. Bihartik aurrera, 1 eta 2 lineek goizeko zerbitzua eskainiko dute (0 linea ikasturtearekin batera jarriko da martxan). Lehenengo lineak bost bidaia egingo ditu (08:00; 08:30; 09:30; 10:30 eta 12:30) eta bi bidaia bigarren lineak (09:00etan eta 11:00etan).
Horrez gain, Mugi txartelarekin bidaiatzen duten sei eta 15 urte arteko haur eta gaztetxoek dohainik izango dute Hiribusa bihartik aurrera (urte bukaera arte). Sei urtez beherakoek dohainik dute hiribusa.