Udako Solstizioa ospatuko da bihar Chillida Lekun, arratsaldeko 19:30etatik aurrera. Proximity paisaia operak beteko ditu bertako zelaiak. Jeroen Strijbosek eta Rob van Rijswijkek museorako bereziki moldatuko dituzte musika piezak, paisaiaren pertzepzioa aldatuko duten soinu inguratzaileekin.
Haiekin batera ariko dira Carolina Luquin eta Haizea Muñoz euskal sopranoak, Eñaut Elorrieta abeslaria, eta David Chalmin musikari eta konpositore frantsesa. Horrela, Chillida Lekuko zelaiak espazio bat bihurtuko dira, «non musika emanaldiak publikoa gonbidatuko duen paseatzera, pentsatzera eta espazioa modu guztiz paregabean berraurkitzera».