Datorren asteazkenean, ekainaren 18an, "Hernani" Musika Eskola Publikoko helduen taldeek eta kantu modernoko ikasleek ikasturte amaierako kontzertua eskainiko dute Goiz Eguzkiko parkean 18:45etatik aurrera.
Errezitaldi hau ekainean Biterin instrumentu ezberdinekin egiten diren kontzertuen zikloaren barruan kokatzen bada ere, kasu honetan Goiz-Eguzki parkeko aire zabaleko espazioaren aldeko hautua egiten da, errepertorioaren izaeragatik eta uda aurreko garai honetan hain berezia den ingurune batean gozatzeko aukeragatik irekiagoa emanez.
Ondorengo musikariak arituko dira instrumentuekin: Iban Setien (Pianoa), Mikel Astiz (Gitarra), Unai Muñoz (Teklatuak) eta Iosune Marín (Gitarra). Ahotsa jarriko dute ondorengo kantariek: Rexu Olazabal, Arantzazu Martínez, Mikel Salaberria, Rosilene Paiva eta Ixiar Gurmendi.
Egitaraua osatuko dute kantu hauek: Give a little bit (Supertramp), Trem-Bala (Ana Vilela), Ruby Tuesday (Rolling Stones), Maria la portuguesa (Carlos Cano), Apache (The Shadows), Aita semeak (Oskorri), La llorona (Mexikar herrikoia), Al oido (Imanol/Alfonsina Storni), Habanera (Xabier Lete), Sos d'un terrien en détresse (Daniel Balavoine), Je t'aime (Lara Fabian), Mendian gora (Imanol/X.Amuriza), Hotel California (Eagles) eta John zaharra (Herrikoia).