Peru Arregi Zelaietak CD Hernani klubeko marka bota zuen 1.500 metroko proban, Donostian egin zen aire libreko Gipuzkoako Txapelketa absolutuan. Marka berria 3:59,54an utzi zuen, lehenengo aldiz lau minutuko langatik jaitsita.
Horrela. Jose Ignacio Gonzalezek 1963ko urriaren 27an egindako marka hobetu zuen Peru Arregik maiatzaren 31n. 4:02,4koa zen Gonzalezen marka, ia 62 urtez iraun duena.
Bost domina, Euskadiko Master eta Gipuzkoako oztopo txapelketetan
Bestetik, pasa den larunbatean, aire libreko Euskadiko Master Txapelketa jokatu zen Durangon; eta M45 kategorian, klubeko David Rojok urrezko domina lortu zuen mailu jaurtiketan, eta zilarrezkoa pisu eta disko jaurtiketetan.
Egun berean, kategoria txikian Gipuzkoako Txapelketa jokatu zen Donostian. 18 urtez azpikoetan, 2.000 metrotan, Irune Mateo azpitxapeldun izan zen. Eta 16 urtez azpikoetan, 1.500 metrotan, Uxue Rodriguezek brontzea lortu zuen.