Hernaniko Merkataritza Mahaiak, herriko saltokiekin elkarlanean, moda desfilea antolatu du biharko, 17:30etatik 19:00etara bitarte. Desfilea Plaza Berri eta Andrekale batzen diren gunean izango da, Portalondo parean.
Moda eta osagarrien establezimenduez gain, interesa duten bestelako saltokiek ere parte har dezaketela azaldu zuten; hala nola, dekorazioa, loradendak, artisautza, estetika eta ileapainketa, etabar. Gainera, parte hartzeko era ezberdinak daudela ere adierazi du antolakuntzak, beraz, informazio gehiago jaso nahi duena edo izena eman nahi duena, Berriak elkartearekin jarri daiteke harremanetan.