GIPUZKOAN Eskolarteko Txapelketako lehen fasea jokatu da. Hernaniko bertsolariek erakutsi dute beren maila eta baditugu finalistak aurten ere: txikietan (14 urte arte) taldeka, Hernaniko laukotea pasa da: Arnaitz Lasarte, Unai Gaztelumendi, Ane Lujanbio eta Jon Hidalgo. Nagusietan ere Hernaniko bertso eskolako bi partaide finalean ditugu: Beñat Gaztelumendi eta Izarne Zelaia. Finala datorren ostiralean da, Zumarragan, arratsaldeko 16:00etan.
Harrobia martxan
Hernaniko bertso eskolatik aspaldiko kuadrila haundienak hartu du parte aurtengo Eskolarteko Txapelketan, eta finaletik kanpora gelditu direnek ere maila oso ona erakutsi dute. Dirudienez, harrobiak ez du hondorik jo!