Egun osoko egitaraua prestatu zuen Hernaniko Gazte Asanbladak pasa den larunbaterako. Gazte Eguna ospatu zuten Tilosetan, eta jende ugarik egin zuen bat antolatutako jarduerekin.
Futbito Txapelketako finalak jokatu zituzten goizean, Tilosetako frontoian bertan. Ondoren, 170 lagun inguru elkartu ziren herri bazkarian, eta bazkalostean txarangaren erritmora ibili ziren herrian.
Gazte Asanbladatik eskerrak eman nahi izan dizkiete modu batera edo bestera laguntzen aritu diren pertsonei: «Haiek gabe hau dena ez zelako posible izango!».