Hernani eta Lasarte-Oria kanporaketa zirraragarria ari dira jokatzen Herriartekoan. Joanekoa partiduak Hernaniko frontoian jokatu ziren pasa den ostiralean eta azken emaitza oso parekoa izan zen. Lasarte-Oria aurreratu da final zortzirenetako kanporaketan, 1-2, baina tanteoa oso parekatua izan zen, 47-46 lasartearren alde.
Lehenengo partidua banakakoa izan zen eta hemen, orain Lasarten bizi den Julen San Miguel erremontari ohiak 20-7 gainditu zuen Mikel Materola. Binakakoa izan zen partidurik estuena, Arteaga eta mendizabal lasartearrak 20-17 irabazi zuten Onditz Rekondo eta Imanol Galartza bikotearen aurka. Partidu oso estua izan zen. Zazpi barruan iritsi zen Hernaniren garaipena, Alain Agirrek 20-9 gainditu zuen Artetxe.
Emaitza hauekin final laurdenetarako sailkapena airean geratzen da. Kontuan hartu behar da Hernanik banaka eta binaka taldea aldatuko duela itzulerako partiduetarako. Endika Ramos arituko da banaka, Ander Arandia - Ion Beloki bikoteak jokatuko du binaka eta, Alain Agirrek errepikatu egingo du zazpi barruan. Bi partu irabaziz gero hernanik aukera asko izango ditu kanporaketa gainditzeko. Hurrengo kanporaketan sartuko da lehian Astigarraga.
Maciciorrek irabazi bost t'erdi barruan
Bestetik, Gipuzkoako bost t'erdiko txapelketa jokatzen ari dira Hernaniko palistak. Nagusien lehenengo mailan Enara Maciciorrek orain arteko bi partiduak erraz irabazi ditu. Azkena asteburuan, 25-11.