Six Majors erronka osatu berri du Mikel Uralde korrikalari hernaniarrak. Apirilaren 21ean egin zuen Bostoneko maratoria, eta horixe zen munduko sei maratoi garrantzitsuenak osatzeko falta zitzaiona. Aurretik Berlinen, Chicagon, Londresen, New Yorken eta Tokion aritu da.
2016an hasi zuen Uraldek erronka betetzeko bidea, Berlinen. Ondoren, urtez urte joan da zerrendara maratoiak gehitzen. Oztopoak ere izan ditu erronka betetzeko, pandemiak eta lesioek atzeratu egin baitute lorpena.
Zailtasunak zailtasun, dagoeneko bete du aspalditik begiz jota zuen Six Majorsa.