Iñigo Legorburu hernaniarrak idatzitako bi mikrokontakizun sarituak izan dira Irunen eta Deban. 'Deba 100 hitzetan' eta Euskadiko itsasargien lagunak elkartearen lehiaketan jaso ditu sariak Legorguruk.
Debako lehiaketan 2022. urtetik hona, etenik gabe lortu du euskerazko edo gaztelaniazko podiumean bere lekua, hutsik egin gabe. Aurten euskerazko atalera 25 lan aurkeztu dira Euskal Herritik zein kanpotik. Legorburuk 'Trostan' izeneko lana aurkeztuta eskuratu du bigarren postua, German Urteaga bertsolari beasaindarraren atzetik.
Irunen, berriz, hirugarren sailkatu da, 'Argi hitsak' lanarekin. Lan honetan, «argitasuna pozarekin lotzen badugu ere, argi guztiak ez direla beti horrela izaten» azpimarratu nahi izan du. Hogei lan inguru izan ziren aurkeztuak, eta Lander Bergésen 'Los faros que se apagaban' lana gailendu da.