Ostiraleko eguzki kontuak ahaztuta, giro euritsuak lausotu zuen Erdi Aroko azokaren festa atzokoan, Hernaniko Kaxkoan. Edonola ere, postuetara gerturatu ziren herritarrak, eta azoka alaitzen aritu ziren musikari, kontalari eta antzezle taldeak, egun osoan zehar.
Halaxe arituko dira gaurkoan ere, azokaren azkeneko egunean. Mota guztietako ikuskizunak izango dira iluntzera arte, eta postuak goiz eta arratsalde zabalik, herritarrei azkeneko aukera eskainiz.
