Miren eta Uxue Bereziartuak sortutako Gure Herriko Señorak erakusketak Hernaniko hiru auzoetara egingo du salto etzitik aurrera. Duela denbora bat Gure Herriko Señorak erakusketa egin zuten Bereziartua ahizpek Hernaniko sorkuntza bekaren baitan. Honen harira Biterin eta Kulturarteko Plaza Feministan jarri zituzten erakusketak eta orain auzoetako bira txiki bat egingo dute erakusketa ibiltari formatuan.
Etzi, larunbatean, hasiko dira eta Ereñotzuko plazan izango da lehen geltokia, «bertan kolokatuko dugu Gure Herriko Señorak erakusketaren bertsio txikiago bat», nabarmentzen dute Bereziartua ahizpek.
Gainontzeko erakusketak Lizeagan (Victor Hugo kalean) eta Portun (Ibarrolaburu- Lorenza plazan) egingo dituzte maiatzaren 17an eta 31n. Guztiak 11.00-13.00 artean izango dira.