Erdi Arora buelta egingo du Hernanik, apirileko azkeneko asteburuan. Izan ere, hilaren 25etik 27ra bitarte Erdi Aroko azoka jarriko dute, urtero bezala, herriko Kaxkoan.
Joan den urtean bezala, denetariko postuez beteko dira herriko kaleak: pitxiak, mota guztietako jakiak, lanabesak, arropa, goxokiak, apaingarriak, kosmetikako produktuak... Baina postuez gain, hainbat ekintza eta ikuskizun ere izango ditu azokak: kale antzerkiak, kontzertuek, kalejirek, aireko ikuskizunak, su ikuskizunak, antzinako lanbideak ezagutzeko tailerrek edota haurrentzako tailerrek ere osatuko dute aurtengo edizioa.
Hainbat mende atzera egiteko aukera izango dute herritarrek hiru egunez, kanpamentuko bizitzaren isla izango baita azoka. Aukera aprobetxatzeko gonbitea luzatu dute.