Igoerako ligaxkan, azkenaurreko partidua jokatuko dute Hernaniko mutilek gaur, Gipuzkoako bigarren mailan. Mondragon Unibertsitatearen kontra jokatuko dute, 17:45etan Arrasateko Musakola kiroldegian. Irabazita, ziurtatuko dute play offeko semifinala etxean jokatzea, igoera lortzeko.
Mundarroko neskek, berriz, partidu erabakigarria zeukaten atzo iluntzean etxean, Easoren kontra, lehenengo mailari eusteko. Oso estu daude kontuak, puntu bakarreko tartean baitzeuden sailkapeneko azkeneko sei taldeak. Mundarroko mutilek, berriz, ez du jokatuko asteburu honetan. Maiatzean jokatuko du ligako azkeneko partidua, baina litekeena da gaur salbazioa lortzea: Erroibidek Saski Axular liderraren kontra galduz gero, lehenengo mailan jarraituko dute astigartarrek.