Gaur arratsaldean, 15:00etan hasita, jokatuko dute Pasai Donibanen Gipuzkoako Batel Ligaren azken jardunaldia. Erlojupeko proba izango da gaurkoa, eta bertan erabakiko dira multzo bakoitzeko garaileak. Orain arte oso estropada onak egiten ari dira Hernaniko arraunlariak.
Biharamunean, Pasai Donibanen bertan, Gipuzkoako Batel Txapelketako proba jokatuko dute. 10:30etan hasiko da igandeko saioa. Arraun Elkartetik animatzera joateko gonbidapena egin dute.