Errenta aitorpena euskeraz egitera animatu dituzte hernaniarrak

Kronika - Erredakzioa 2025ko api. 2a, 00:00

Iaz, hernaniarren %24k egin zuen errenta aitorpena euskeraz eta datu hau hobetzera animatu nahi ditu herritarrak Udalak eta UEMAk.

Hasi da Gipuzkoako Foru Aldundiaren errentaren kanpaina eta Hernaniko Udalak, UEMAk abiatutako kanpainarekin bat eginez, hernaniarrak errenta aitorpena euskeraz egitera animatu nahi ditu.

Iaz, errenta aitorpena egin behar izan zuten hernaniarren %24ak egin zuen errenta aitorpena euskaraz. Azken urteetan, kopuru horretan mantendu da errenta aitorpena euskeraz egiten duten hernaniarren kopurua.

Udalak eta UEMAk adierazi nahi dute errenta aitorpena euskaraz egitea ez dela konplikatua eta errenta aitorpena egiteko modalitate guztietan dagoela euskeraz egiteko aukera.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!