Osasuntsu dago Tilos 7 Pasa, Hernaniko pala txapelketa herrikoia. Joan den urtean marka jarri bazuen 75 bikoterekin, aurten nabarmen gainditu du kopuru hori, eta inoizko parrtehartze haundienarekin ekin dio: 85 bikote ariko dira lehian.
Ohi bezala, bigarren mailan eta txapelketa herrikoiean izango dira partehartzaile gehien, 37 eta 24 bikorekin, hurrenez hurren. Baina partehartze ederra izango du nesken txapelketak ere, 18 bikoterekin. Lehenengo mailan, berriz, sei bikote izango dira.
Ligaxkan ekingo diote denek. Hiru bikoteko multzoetan banatuta ariko dira (bigarren mailan lau bikoteko multzo bat ere badago), eta multzoko denek denen kontra jokatuko dute ligaxkan. Horrela, bikote onenek egingo dute aurrera, kanporaketetara.
Lehenengo mailako txapelketan, multzo bakoitzeko bi bikote onenak sailkatuko dira finalerdietara. Bigarren mailan, berriz, multzo bakoitzeko lehenengo bikotea sailkatuko da final zortzirenetara, eta bigarren guztien artean lau onenak. Nesken txapelketan, bere aldetik, multzoko lehenengo bikotea eta bi bigarren onenak ariko dira final laurdenetan. Eta txapelketa herrikoiean, azkenik, multzoko lehenengo bikotea soilik sailkatuko da final laurdenetara.
Ligaxkako partidu guztiak bukatuta ekingo diete kanporaketei, eta ekainean jokatuko dituzte finalak, hilaren 7an edo 14an, eguraldiaren arabera.
Tilosetako frontoian 'saltsa', astean zehar arratsaldero
Atzo jokatu zituzten txapelketako aurreneko hiru partiduak, lehenengo mailako bi eta bigarren mailako bat. Eta aurrerantzean, arratsaldero izango da 'saltsa' Tilosetako frontoian, 17:45etan hasita. Hasiera batean, hiru partidu jokatuko dituzte egun bakoitzeko, 17:45etan, 18:30etan eta 19:15etan hasita, gutxi gorabehera. Aste honetan, datozen lau egunetan, nesken txapelketako eta bigarren mailako partiduak izango dira.
22 tantora jokatuko dituzte partidu guztiak, eta ohi bezala, zazpigarren koadrora bitarteko zatian ariko dira, txapelketaren izenak dioen bezalaxe: hortik atzera bote eginez gero, falta izango da.
Joan den urtean, Ramosek eta San Miguelek jantzi zuten lehenengo mailako txapela, eta Aranak eta Luisak bigarren mailakoa. Nesketan Andrea eta Ixone nagusitu ziren, eta txapelketa herrikoiean Oier eta Arnaitz.
Aurten konpetentzia gogorragoa izango da nesken txapelketan eta herrikoiean. Nesketan, zehazki, izugarri haunditu da partehartzea: zortzi bikote izan ziren aurreko urtean, eta 18 dira aurten. Herrikoiean, berriz, 18 bikotetik 24ra areagotu da partehartzea.
ASTE HONETAKO PARTIDUAKGAUR, asteartea 17:45, Saralegi-Garciarena/Aranburu-Balerdi (N) 18:30, Luluaga-Urdangarin/Izeta-Urbieta (2) 19:15, Granado-Bengoetxea/Galdeano-Urnieta (N) BIHAR, asteazkena 17:45, Cris-Amaia/ 18:30, Cabaleiro-Landa/Apa-Xuban (2) 19:15, Polaina-Arregi/ ETZI, osteguna 17:45, Fernandez-Chaves/Aldabe-Ezeiza (N) 18:30, Belaunza-Ponce/Josu-Amets (2) 19:15, Arberas-Lopez de Munain/Hernandez-Mendigain (2) APIRILAK 4, ostirala 17:45, Aranburu-Mitxelena/Xibu-Arruti (2) 18:30, Isaí-Markel/ 19:15, Irazustabarrena-Salaberria/Eizagirre-Azkonobieta (2) |
TILOS 7 PASAMultzoen antolaketa, mailaz maila HERRIKOIA A TALDEA Rodriguez-Del Río B TALDEA Maiza-Irigoien C TALDEA Iparragirre-Bautista D TALDEA Zabalegi-Ezeiza E TALDEA Amondarain-Garcia F TALDEA Iturbe-Pascual H TALDEA Juarez-Lobato I TALDEA Geresta-Insausti
LEHENENGO MAILA A TALDEA Ramos-Zubimendi B TALDEA Loidi-Luisa
BIGARREN MAILA A TALDEA Iribar-Etxeberria B TALDEA Luluaga-Urdangarin C TALDEA Goitia aita-semeak D TALDEA Belauntza-Ponce E TALDEA Narbarte-Manterola F TALDEA Eneko-Lander G TALDEA Arberas-Lopez de Munain H TALDEA Irazustabarrena-Salaberria I TALDEA Mattin-Armen J TALDEA Arandia-Lizeaga K TALDEA Zuru-Goia L TALDEA Latasa-Aldaz
NESKEN TXAPELKETA A TALDEA Saralegi-Garciarena B TALDEA Cris-Amaia C TALDEA Aldabe-Ezeiza D TALDEA Granado-Bengoetxea E TALDEA Olatz-Enara F TALDEA Urain-Mujika |