Mendiriz Mendik gaztetxoen irteera antolatu du iganderako, apirilak 6. Xorroxineko itzulia egingo dute mendizale gaztetxoenek eta baita helduek ere. Hiru orduko saioa izango da, eta guztira 7 kilometro osatuko dituzte.
Goizeko 8:30etan jarri dute hitzordua iganderako, Hernaniko Biteri Kultur Etxean. Erratzutik irtengo dira, Iñarbegi errekaren paraleloan eta familia osoarentzat egokia den bidezidorretatik barrera ibiliko dira, «hori bai, tarte lokaztu samarrak» egoteko aukera dagoela aurreratu du elkarteak.
Bazkaria eramateko gomendatu dute. Gaztetxoenek 5 euro ordaindu beharko dituzte eta helduek berriz, 10 euro.