Odol Emaileen Elkarteak gogoratu du, asteartean, apirilak 1, odola emateko aukera egongo dela Hernaniko anbulategian. Martxoko estrakzioak guztira 48 izan direla azaldu du elkarteak, eta bihotzez eskertzen dutela jendearen erantzuna, bi hilabete jarraian ia 50 estrakzio osatu dituztelako; «Bide onean gaude», adierazi dute. Arratsaldeko 17:00etatik 21:00etara bitarte egongo da aukera etzi, odola emateko, eta aurretik eskatu behar da hitzordua, telefono zenbaki honetara deituta: 943 00 78 85.