Etzi, apirilak 1, egingo dute Jabe Solidarioen Sarearen bigarren bilera, arratsaldeko 18:30etan Burujabetzen etxean. Antolatzaileek azaldu dute jabe berriei ere irekita egongo dela bilera.
Hernani Burujabeko Etxegura elkartetik Jabe Solidarioen Sarea osatzeko lehen pausoak ematen hasi direla azaldu dute. Galdetegia zabaldu zuten Hernaniko alokairuko etxebizitzen errealitatera hurbiltzeko asmoz, eta horien bidez sarean bertan parte hartzeko prest egongo ziren herritarrak identifikatu zituzten. Lehen bilera osatu zuten, zeinetan, itun sozial bat osatzeko lehen lanak egin zituzten. Itunean, konpromisoak zehaztuko dira, bai jabeen aldetik baita Etxeguraren aldetik ere. «Helburua da gidalerroa izatea espekulazioari espazioak irabazten hasteko», diote Etxegurako kideek.