San Joan jaiak iragarriko dituen bost lanen artean aukeratu beharko dute hernaniarrek.
Irekita dago jadanik bozkaketa, eta apirilaren 11 bitarte egongo da zabalik. Botoa emateko bi modu daude, alde batetik, Biteri Kultur Etxean bertan, eta bestetik, online bidez, Hernaniko Udaleko webguneko formularioa betez.
San Joanetako Jai Batzordeak bost kartel bereizi ditu aurten, lau beharrean. Horietako batek, herritarren bozka gehienak jasotzen dituenak, iragarriko ditu aurtengo herriko festak.