Hernaniko Maialen trainerua bigarren izan zen larunbatean, Astilleroko San Jose igoeran. Etxeko traineruak, Astillerok, lortu zuen garaipena, 15 minutu eta 37 segunduko denborarekin. Hernani 38 segundura geratu zen. Bost traineruk hartu zuten parte, eta haien atzetik sailkatu ziren Portugalete (16:47), Camargo (17:26) eta Castropol (17:26).
Bestetik, igandean, Gipuzkoako Batel Ligako zortzigarren jardunaldia jokatu zen Getarian. Hernaniko neska promesak hirugarren izan ziren, eta sailkapenean bigarren daude, Tolosaldea liderra 3 puntura dutela, lehen baino bat gehiago. Neska jubenilak bosgarren izan ziren Getarian, eta laugarrenak dira ligan.
Beñat Odriozola, bigarren
Espainiako ergometroko txapelketa jokatu zen asteburuan, Zaragozan. Mailan paralinpikoan, Beñat Odriozola Aranburu hernaniarra bigarren sailkatu zen.