Aurreko asteburuan jokatu zen, Durangon, jaurtiketa luzeen Euskadiko Txapelketa. Eta maila bikainean arituta, brontzezko dominarekin bueltatu zen David Rojo, Hernaniko atleta beteranoa: hirugarren sailkatu zen mailu jaurtiketan, gizonezkoen maila absolutuan, 45 urtetik gorakoen master kategoriakoa izanda ere.
32,72 metroko marka jarri zuen Rojok, bere seigarren eta azken saiakeran, domina kolkoratzeko. Raul Santamaria (47,06 metro) eta Unax Eraso (45,52 metro) izan zituen aurretik.