Hernaniko Harrotzen Gazte Feminista taldeak bi ekintza antolatu ditu otsailean. Lehenengoa otsailaren 14an izango da Garin tabernan. 18:30etatik aurrera Karmele Jaio idazlearen Maitasun Kapitala liburua izango dute hizpìde kafe tertulian.
«Maitasun erromantikoa erabiltzen den egunean, San Valentin egunean, sistema zisheteropatriarkalak emakumeoi erakusten digun maitasun eredu erromantikoa mahai gainean jarriko dugu», diote Harrotzeneko kideek. Antolatzaileen esanetan, «gaiarekiko interesa duen ororentzat interesgarria izango da, liburua irakurria izan ala ez».
Otsailaren 21ean asanblada irekia, Biterin
Harrotzenek antolatuko duen bigarren ekitaldia otsailaren 21eko asanblada irekia izango da. 18:00etan Biterin elkartuko dira, Herriko gazte feministok datozen hilabeteetan zer? lelopean.
Asanbladaren helburua, herrian datozen hilabeteetan izango diren mugarri ezberdinak antolatzea izango da, besteak beste, martxoaren 8a eta sagardotegi denboraldiaren aurrean autodefentsa feminista. «Hortaz, borobildu bi data hauek agendan eta hitzorduetan ikusiko dugu elkar! Zapaldutako lurrak harrotzera gatoz!», azpimarratzen dute Harrotzenetik.