Helburutik geroz eta gertuago dago Hernani, atzo Belenosen aurka 55-05 irabazi ondoren.
Lehenengo zatia markagailuak 29-0 markatzen zuela amaitu zen eta Belenosek lehen ensaioa eta bakarra bigarren zatiaren hasieran osatu zuen. Ezinez ibili ziren hasieratik.
Ondo gozatuta eta hobeto jolastuta eraman zuten trikoloreek garaipena, eta zaleek ere ez zuten hutsik egin, eztarria urratu arte egon baitziren jokalariak animatzen eta giroa berotzen.
Aitzitik, datorren igandeko partiduan dute jada burua jokalariek. Gaztediren kontrako partidua jokatuko dute urtarrilaren 26an Gasteizen. Gaztediren kontra bonusarekin irabaziz gero, bermatua izango luke Hernanik igoera faserako plaza.