Herritarren botoak zenbatuta, Sara Hurtado Tejedor izan da Hernaniko inauterietako kartel lehiaketako irabazlea.
297 hernaniarrek eman dute bozka lehiaketan eta Hurtado izan da aurkeztutako lau karteletatik bozka gehien jaso dituena, eta beraz, berak diseinatutako kartelak iragarriko ditu 2025eko Hernaniko inauteriak.
Inauteriak iragartzeaz gain, 750 euroko saria jasoko du Hurtadok. Sariaren erdia eskudirutan jasoko du eta beste erdia Berriak elkarteko establezimenduetan erabili izan ahalko du.