Mendiriz Mendik urtea Hernani inguruko mendiak ezagutzen hasiko du, hemengo bazterrak ezagutu aurretik kanpora joateko ohitura haundia baitago. Horregatik, 2025eko lehen irteera Onddira egitea erabaki dute, Onddi-ko bira burutuz. Igandean izango da irteera eta goizeko 08:00etan ezarri dute hitzordua, Atsegindegi plazan. Goizean goizetik abiatuta, guztira 16 kilometroko ibilbidea burutuko dute, 5 ordu inguruko denboran. 350metroko desnibela gorantza eta beherantza, zailtasun bereziki gabeko ibilbidea izango da. Antolakuntzatik ohiko material arrunta soilik eramatea gogoratu dute.
Onddira irteera, igandean Atsegindegitik
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!