Behar gehien dutenentzat, neguko arropa eta manta bilketa jarri du martxan Buruntzaldeko Kontseilu Sozialistaren Etxebizitza Sindikatuak. Hernanin eta Andoainen egingo dute bilketa, bihartik aurrera.
Hernanin, Gudarien Plazako Sagastiberri Tabakoak dendan bilduko dituzte arropa eta mantak, bihar hasi eta urtarrilaren 3ra arte, zazpi egunez, dendaren ordutegian. Andoainen, berriz, bihar bakarrik egingo dute bilketa, Igara espazioan (Eskola kalea 4, behea): goizeko 10:30etatik 13:00etara, eta arratsaldeko 17:00etatik 19:00etara.
Banaketa, urtarrilaren 3an Andoainen eta 4an Kontrakantxa gaztetxean
Behin neguko arropa eta manta bilketa bukatuta, bi herri horietan egingo dute banaketa ere. Urtarrilaren 3an izango da Andoainen, Igara espazioan bertan, arratsaldeko 18:00etatik 20:00etara. Eta hurrengo egunean banatuko dituzte arropa eta mantak Hernanin, Kontrakantxa gaztetxean, goizeko 11:00etatik 13:00etara.
Bilketari buruzko informazio gehiago nahi duena, edota zalantzaren bat duena, Etxebizitza Sindikatuarekin jarri daiteke harremanetan, 624 874 407 telefonora deituta, esindikatua.buruntzaldea@gmail.com helbidera idatzita, edota Buruntzaldeko Kontseilu Sozialistaren sare sozialetako kontuen bitartez.