Teknifikazio-campusa, urtarrilean

Azken urteetan ohikoa den bezala, HETk teknifikazio-campus bat antolatuko du 2009-2014 urteen artean jaiotako haurrentzat urtarrilaren hasieran. 75 euroko prezioan, opari-kamiseta teknikoa eta agur-merienda izango da. Urtarrilaren 4an (16.00-19.00) eta 5ean (10.00-13.00) lagunarteko txapelketak jokatuko dira. Goyo Villoria entrenatzaileak zuzentzen du. Izenematea bihar arte dago irekia www.hernanieskubaloia.eus webgunean eta informazioa bertan eskuratu daiteke.