Etxetik ateratzeko zerbitzua, prest

Hernaniko Udalak etxetik ateratzeko laguntza zerbitzua eskainiko die abendutik aurrera mugikortasun eta irisgarritasun arazoak dituzten 65 urtez gorako herritarrei. Asteazkenean DYAk horretarako eskaintzen dituen baliabideak erakutsi zituen. Herritar horiek toki irisgarri bateraino garraiatuko dituzte, zerbitzua emango duten DYAko kideek. Izan ere, Udalak DYAren bidez emango du zerbitzua. Astean bi egunez eskainiko da: asteazken arratsaldetan eta ostiral goizetan. Erabiltzaileek Hernaniko Udaleko Adinekoen zerbitzuan eman beharko dute izena, 943 57 54 31 telefonoan edota Biteri Kultur Etxean.