Hernaniko Udalak etxetik ateratzeko laguntza zerbitzua martxan jarriko du abenduan. Gaur, Udaleko Adinekoen sailak zerbitzu berriaren inguruko azalpenak emango ditu, eta DYAk horretarako eskaintzen dituen baliabideak erakutsiko ditu, Biteri Kultur Etxearen kanpoaldean, 10:30etan.
Etxetik ateratzeko laguntza zerbitzua mugikortasun eta irisgarritasun arazoak dituzten 65 urtez gorako herritarrei zein mendekotasuna dutenei eskainiko die Udalak. Zerbitzua ezagutzeko interesa duten herritarrak gaur Biterira hurbiltzera gonbidatu ditu.