Mendiriz Mendi elkarteko kideek erreleboa pasako die herriko gaztetxoenei igandean, abenduak 1ean. Besabitik Muniskuera eta hortik, Ugaldetxorako ibilbidea egingo dute, eta hitzordua goizeko 09:00etan jarri dute, Biterin bertan.
Xoxoka auzoan hasiko dute ibilbidea, eta errepidetik Besabiraino joango dira. Han, Onddi ezkerretara utzita, muniskue estazio megalitikora iritsiko dira. Ugaldetxora jaitsi eta autobusa zain izango dute. Ibilbide erraza dela azaldu dute antolatzaileek, «interes historiko eta arkeologikoarekin».
Parte hartzeko, gaztetxoek 2 euro ordaindu beharko dituzte, helduek, aldiz, 6 euro. Bailarako gazteak eta helduak parte hartzera gonbidatu dituzte.