Aste osoan zehar irekita egongo da Autokonponketa Tailerra

Aste honetan egunero dago irekita Oleta 25eko Autokonponketa Tailerra. Hondakinen Prebentziorako Europako Astea dela eta. Ostiralera bitarte, goizez irekiko da, 10:00etatik 13:00etara bitarte. Gaur izango da arratsaldez irekiko duten egun bakarra aste honetan: 16:00etatik 19:00etara. 

Udaletik, espazio hau ezagutzera animatu nahi dituzte herritarrak. Bestalde, gaur joskintza tailerra ere izango da, Xabier Ormazabalen eskutik. Tailerra 17:00etatik 19:00etara izango da, bi ordukoa, doakoa eta euskaraz. Plaza mugatuak izango direnez, aldez aurretik izena eman beharko da konpondu@hernani.eus-era idatzita edo 688 67 59 64 telefonora deituta.