EHUk antolatutako argazki geologikoen lehiaketaren XVI. edizioan hartu dute parte Hernaniko DBHko eta Batxilergoko ikasleek, eta sekulako arrakasta lortu dute. Izan ere, Institutuko hiru ikasle saritu dituzte: Robin Beyreutherrek lehenengo saria irabazi du, Itxaso Lacadenak bigarrena, eta Enara Querejetak hirugarrena.
Lehiaketaren helburua da, geologiaren edozein adarrekin erlazionatutako argazki bat aurkeztea, eta horren azalpen geologikoa ematea. Euskal Herri mailako lehiaketa da, eta Euskal herriko Unibertsitateak eta geologia fakultateak elkarlanean antolatzen dute, zientzia astearen barruan.
Sariak aurreko igandean, azaroaren 10ean, jaso zituzten Hernaniko hiru ikasleek, Bilbon egindako ekitaldian.