Pakita Studiok ipuin kontaketa antolatu du larunbaterako. Beste askotan bezala, aste honetarako ere elkartzeko tartea izango da arte dendan. Amesgile Argitaletxeak ipuin berriak plazaratu berri dituela aprobetxatuta, Betzaida Urtazak berak idatzitako liburuak kontatuko ditu. Larunbat goiz goxo batean, labetik atera berriak diren ipuinak entzuteko aukera paregabea izango da.
Sarrera doakoa izango da, baina aldez aurretik izena ematea ezinbestekoa izango da, p.kitastudio@gmail.com helbidera idatziz.
Hitzordua goizeko 11:00etan izango da, Pakita Studioan bertan, Andrekale 41, Hernani.