Valentzian gertatutako hondamendiaren ondoren, kaltetutako pertsonei laguntzeko material bilketa antolatu dute Kontrakantxa Gaztetxean. Gaur ere izango da materialak gaztetxera eramateko aukera, goizeko 10:00etatik 12:00etara. Honako gauzen premia dagoela jakinarazi dute: botak, maskarak, babes betaurrekoak, eskularruak eta buzoak. Aratz ikastolak ere egin du produktuen bilketa, aste honetan zehar: ura, pardelak, esne-hautsa, maskarilak eta plastikozko eskularruak.