Astebeteko atsedenaldiaren ondoren, lehiaketara itzuliko da gaur Hernaniko Ohorezko B mailako taldea. Uribealdearen aurka jokatuko dute gaur, arratsaldeko 16:15etan hasita, Mungian.
Lehenengo hiru partiduak jokatuta, bi garaipen eta porrot bat jaso ditu Hernanik. Une honetan sailkapeneko seigarren postuan dago 9 punturekin; hortaz, berebizikoa izango da emaitza ona lortzea gaurko partiduan.
Uribealdeak, berriz, ez du liga hasiera ona izan. Jokatutako hiru partiduak galdu ditu, diferentzia haundiarekin galdu ere; azken partiduan 87-0 galdu zuen Gernikaren kontra.
Lehenengo fase honetan goiko postuetan geratzea da Hernaniren helburua, igoera fasera sailkatu ahal izateko.
Euskal Ligakoak, Landaren
Euskal Ligako seniorrek Landaren jokatuko dute gaur, 16:00etan, Gipuzkoa Sortzen taldearen aurka.