Etxeberriko Lagun Arteak 25 urte bete ditu aurten eta hori ospatzeko zelebraziotan dabiltza. Gaur gauean 25 urteurrena ospatzeko afarian bilduko dira Etxeberriko Lagun Arteako bazkideak eta gonbidatuak.
Afaria 20:30etan da eta menuan entremesak, kokotxak almejakin, txuleta, tarta eta helatua, likorea eta kafea izango dute. Afarian bertan trofeoak banatuko zaizkie elkarteak antolatutako Mus eta Tute txapelketako irabazleei. Mus txapelketa apirilan jokatu zen eta irabazleak Luciano Sanchez eta Luciano Martin dira. Tute txapelketa aldiz, aste honetan izan da eta Txus Bilbao eta Xefe Ormazabal dira txapeldunak. Javier Arraztio Lagun-Arteako bazkideak afarian giro ona espero dutela dio: “afaltzeko 120 pertsonek eman dute izena eta orain arteko afarietan 80 bat pertsona bildu gera”.
Sozidadea baino gehiago
Etxeberri Lagun-Artea 1978- garren urtean sortu zen Etxeberriko etxebizitza kooperatibaren inguruan. Garai hartan protekzio ofizialeko 320 etxebizitza egin zituzten Etxeberri sortu berrian, eta hara bizitzera joan ziren familia gazteek biltzeko leku bat txukundu zuten: Etxeberriko Lagun-Artea, Etxeberriko 8garren blokeko bajuan dagoena.
Etxeberriko Lagun-Artea gaur egun soziedade bezala erabiltzen bada ere, urte hauetan saiatu dira auzoko edade guztietako jendeak erabiltzeko moduko espazio bat sortzen. Asmo horrekin sortu zituzten liburutegia, haur eta gazteentzat jolasteko gela, eta beste hainbat gauza. Aktibitate hauek denek ez dute arrakastarik izan, baina, gaur egun antolatzen dituzten ekintzek harrera ona lortu dute. Horien artean daude palanka tiraketa, 1959tik praktikatzen ez zen kirola eta Etxeberriko Lagun-Arteak berreskuratu duena; San Joanetan ateratzen den umeen tanborrada; eta San Joanetako Atleta Osoaren froga, besteak beste.
ELKARTEKO ZENBAIT DATU
- 1978ko urriaren 28an inauguratu zen.
- Sortu zenean 198 bazkide zituen elkarteak.
- Elkarteak orain 202 bazkide ditu.
- Lagun-Artea aurreneko soziedadea izan zen emakumeak onartu zituena, eta egun 20 emakume bazkide ditu.
- Gizonezko bazkideak, 182 dira gaur egun.
- Gaur egun elkarteak egiten dituen aktibidadeak dira: mus eta tute txapelketak eta San Joanetan Atleta Osoa eta Palanka Tiraketa probak, besteak beste.