Gaur arratsaldean emango diote hasiera aurtengo Mendizale Asteari. Mendiriz Mendiko kideek egitarau oparoa prestatu dute, gaurtik azaroaren 8ra arte iraungo duena. Azaroaren 17an, gainera, bazkideen eguna ospatuko dute.
Egitaraua 'Resistance climbing' dokumentalaren proiekzioak irekiko du, Luzio Egigurenen eskutik. Film honetan, «modu ezin hobean» ikusten da zein den «palestinarren bizimodua okupazio eta gerra garaian, bertako eskalatzaileen bidez ondo islatzen baita», antolatzaileek azaldu dutenez. Nabarmendu dute, era berean, dokumentala egungo gatazkaren aurretik filmatuta dagoela.
Asteartean, 'Gure bidea' izango da ikusgai, Beñat Bereziartua, Aritz Holgado eta Eñaut Pagolarekin; eta asteazkenean Suam del Cerroren 'Expedición al gran cañon del Colorado'.
Ostegunean, 'Urumea zena eta dena' hitzaldi zikloa egingo dute, Hernaniko Udalaren eta Aranzadi Zientzia Elkartearen elkarlanari esker. Solasaldian egongo dira Miren del Val (geografian lizentziatua eta geokronologian aditua), Iñaki Antiguedad (geologian doktorea eta hidrogeologian katedraduna), eta Arturo Elosegi (biologian doktorea eta ekologian katedraduna).
Azkenik, ostiralean gaztetxoen irteeretako argazki bilduma ikusteko aukera izango da, eta XLV. Argazki Lehiaketako sari banaketa ere egingo dute.
Azaroak 4, astelehena: 'Resistance climbing', Luzio Egiguren. 19:30etan Biterin.
Azaroak 5, asteartea: 'Gure bidea', Beñat Bereziartua, Aritz Holgado eta Eñaut Pagola. 19:30etan Biterin.
Azaroak 6, asteazkena: 'Expedición al gran cañon del Colorado', Suam del Cerro. 19:30etan Biteri Kultur Etxean.
Azaroak 7, osteguna: 'Urumea zena eta dena', hitzaldi zikloa. 19:30etan Biterin.
Azaroak 8, ostirala: Gaztetxoen irteeretako argazkien proiekzioa eta XLV. Argazki Lehiaketako sari banaketa. 18:00etan, Biterin.
Azaroak 17, igandea: Bazkide eguna.