Larunbat arratsaldean jokatuko dute Binakako Erremonte Txapelketako hirugarren jardunaldiko partidu bat. Ansa II-Juanenea bikotea eta Urriza-Larrañaga bikotea arituko dira aurrez aurre, jokoan dauden puntuen bila.
Bigarren jardunaldian 2-0 galdu zuten bi bikoteek, eta orduko sentsazioei buelta eman nahi diete asteburu honetan. Sailkapenean bigarren postuan daude Urriza eta Larrañaga, 4 punturekin, Ansak eta Juaneneak, ordea, ez dute punturik lortu oraindik.
Asko geratzen da Binakako Txapelketako ligaxka amaitzeko, baina puntuak pilatzen hastea komeni zaie bi bikoteei partidu erabakigarrietara aukerekin iristeko.
Arratsaldeko 16:30etan hasiko da jaialdia.
Bailarako ordezkaritza zabala izango da bigarren mailako partiduan
Jaialdiko azken partidua bigarren mailako txapelketakoa izango da. Bailarako bi erremontari arituko dira kantxan: Aritz Zubiri goizuetarra eta Aitor Aiestaran hernaniarra.