Erretiratutako paperontziak berrerabiliz artelanak sortzea zen Reziklarte lehiaketaren helburua. Lan mordoska aurkeztu dira eta Imanol Etxeberria eta Mikel Arevalillo hernaniarrek irabazi dute lehiaketako bigarren saria, The recycling game artelanarekin.
Diseinatzaile hernaniarrak
Mikel Arevalillo eta Imanol Etxeberrria hernaniarrak diseinatzaileak dira eta lehenengo aldia zuten lehiaketa batera aurkezten zirena. Pozik daudela adierazi diote Kronikari.
Ontzi zaharrak artelan
Hasiera batean ideiaren bozetoa aurkeztu behar izan zuten. 60 bozetotik gora aurkeztu ziren eta horietatik 26 aukeratu zituzten. Hain zuzen, 26 zirelako baztertuta zeu den paperontziak, artelan bihurtzeko zain zeudenak. Ontziak dekoratzea zen lehiaketaren helburua.
Erakusketa ibiltaria
Hernanin San Markos Mankomunitateak erakusketa ibiltaria antolatu du artelan hauek erakusteko. Erakusketan hezitzaileak izango dira gaikako bilketa eta birziklatzearen inguruko informazioa ematen eta zalantzak argitzen. Erakusketa larunbatetik azaroaren 5era egongo da plazan jarria.