Gau Beltza Portu auzora ere iritsiko da ostegun honetan. Auzotarrek eguneroko jantzia kendu eta mozorroa soinean ibiliko dira, bailarako beste haur eta gazte asko bezala. Egun honetarako, zenbait ekintza antolatu ditu Portuko Auzo Elkarteak.
Ostegun arratsaldean hasiko da ospakizuna Portun, eta lehen ekintza talo tailerra izango da, arratsaldeko 17:00etan hasita. Ondoren, 18:30etan txokolatada egingo dute auzoan. Giro beltza alaitzeko, 19:30etan Kontzertua eskainiko dute 'Los Hernandez' taldeak, Pedro Mari tabernan. Eta, gau beltza iritsi aurretik, 'sorpresa ikaragarria' izango da auzoan, bertako haurren eskutik. Egun honetan parte hartzeko deia egin dute elkartetik.