Ahalik eta azkarren utzi nahi du atzean Hernanik, joan den astean Getxon jasotako kolpea. Trikoloreek 41-10 galdu zuten Ohorezko B Mailako bigarren partidua, eta garaipenen bidera bueltatu nahi dute aste honetan, zaleen aurrean. Horretarako, partidu gogorra daukate bihar, Landaren: Gipuzkoa Sortzen taldearen bisita jasoko dute, eguerdiko 12:00etan hasita.
Estatu mailan lehiakor izateko helburuarekin, aurten jarri dute martxan Gipuzkoa Sortzen taldea, hiru taldek bat eginda: Zarautz, Lasarte-Oriako Beltzak eta Donostiako Bera Bera. Hernanik bezala, garaipen eta porrot bana pilatu dute orain arte, eta kontrario arriskutsua izango dira trikoloreentzat: 7-31 nagusitu ziren La Unicaren zelaian, eta Gernika oso estu hartu zuten Zarautzen (24-25), joan den asteburuko jardunaldian.
Bultza taldeak ere, Landaren hitzordua bihar
Hernaniko Bultza talde inklusiboak ere jokatuko du asteburu honetan. Etxean izango dute Trikoloreek ere denboraldiko aurreneko hitzordua, bihar, goizeko 10:30etan hasita.