Euskal Herriko herri ezberdinetan egin bezala, Hernanin ere, Udalbiltza aske! aldarrikatuz Plazan elkartu ziren atzo, hainbat herritar. 20 minutuko elkarretaratzea egin zuten Udaletxe aurrean. Udalbiltzaren kontrako epaiketaren azken saioak bihar eta etzi izango dira Madrilgo Auzitegi Nazionalean eta epaiketa hasi zenetik ekintza ugari egin eta egiten ari dira auzia salatuz eta auzipetuei babesa emanez. Gaur, esaterako, elkartasuneko bertso saioa izango da Arrasaten eta Hernaniko babes taldeak animatzeko dei egin die herritarrei.
Bertso saioa gaur Arrasaten
Gaur, arratsaldeko 18:00etan, Bertsolari Txapelketa Nagusian parte hartu zuten 8 bertsolari finalistek, bertso saioa eskainiko dute auzipetuekiko elkartasunez. Saioa Arrasateko Amaia antzokian izango da. Sarrerak 10 euroan izango dira eskuragarri.