Larunbat iluntzean egin zuten Xalaparta Elkartean XXVIII. Sagardo Lehiaketa. Giro ederra sortu zen bertan, eta herritar ugari elkartu ziren bailarako sagardoa dastatzeko.
Ondorengo hamar sagardotegiak izan dira aurtengo lehiakideak: Akarregi, Altzueta, Iparragirre, Rufino, Zelaia, Alorrenea, Bereziartua, Oialume Zar eta Gaztañaga. Puntuen zenbaketa amaituta, Altzueta izan zen garailea (1.176 puntu), Itxas Buru bigarren sailkatua (1.120 puntu) eta Bereziartua hirugarrena (1.117 puntu).
Sailkapenak sailkapen, festa giroa izan zen nagusi Xalapartan. Horretaz arduratu ziren, besteak beste, Iker Osa eta Iñaki Zelaia bertsolariak.
Elkarteko kideek gustura bukatu zuten lehiaketa, eta pozik geratu ziren lortutako emaitzarekin.